Ğəzaxistonədə bə Nəvuzə İdi vəbeşe mərosimon
Ğəzaxistoni Farabi nomo milli universitetədə bə Nəvuzə İdi vəbeşe məxsus mərosim bərpo be.
Bə İranpress raporti əsos, həminə mərosimədə çandə mədəni şəxsiyəton, universiteti ustadon, İronşenason, Hindi, Yaponi, Ərəbi və farsi zıvonə quruponku nımoyəndəon və sərkunsulon de İroni mədəni mışovir iştirokışon be.
Natiğon çı İron və Ğəzaxistoni milləti miyono bıə Nəvuzə İdi mıştərikə noğtəon iyən insononədə təbiyəti təsiri barədə sıhbət kardışone.
Ğazaxistonədə har sor Martə manqi 14 Nəvuzə İdi bənav muğəddəmə mərosimon bərpo bıdə ki bə Kurisu ya Əməl ğədimi adati nomin bıə. Bə həminə rəsmi əsos Ğəzaxon bəpe 40 qılə kəy bə dəkuey bəpeşt kə soybonku idə baxşə bıstənon. Həminə mərosimədə ğunəğon bo kəsoybi xəyrə dıvo handən ijən yande norohəti iyən səhvon baxşedən, qızəşt kardən.
Ğəzaxistonədə Nəvuzə idiro bənə vey yolə mərdomi idə mərosimi çand ruj tətil elan bıdə.
Ğəzaxistonədə bə Nəvuzə İdi aid mərosimon tosə Marti 23 dəvom kardedə iyən Xeyməon bərpo karde, məhəlli xorək-xavlon pate iyən baxşe surfəon noe əcumlə çəvonku zıney bıdə.
Ğəzağıjon həm ıştə kəon Nəvuzə İdiku bənav təmiz kardən iyən məhəlli tojə oləton bə tan kardən.
