Bə Azərbaycan Respublika xarıci vəzarətxonə İroni səforətxonə etırozinə notə
Bokuədə bıə İron İslom Respublika səforətxonə, bə İroni ələyh kali Azərbaycan Respublika mediyaon beəxloği və be ehtıroməti hərəkəton vədə, qıləy etırozinə nota muntəşirış kardə.
Bə İran Peres aqentiyəti raporti əsos, bə İroni ələyh kali Azərbaycan Respublika mediyaon beəxloği və be ehtıroməti hərəkəton dumoədə, Bukoədə bıə İron İslom Respublika səforətxonə, qıləy etırozinə nota bə ım kişvəri xarıci vəzarətxonə vığandəşe.
Azərbaycan Respublikaədə İroni səforətxonə tələbış kardə ki bəpe bə İroni ələyh kali Azərbaycan Respublika mediyaon beəxloği və be ehtıroməti hərəkəton be hərəkət bıbu iyən notəş do ki ım be əxloği hərəkəton bə 2 qılə kişvəri rabitəon mənfiyə nəticəon bois bəbe.
Cımə şəvədə İroni xarıci vəzarətxonə sıxənəvot, Nasır Kənani Çafi qıləy Tvittədə bəyonış kardə ki İron İslom Respublika bə ıştə ələyh sionist rejimi xəbisə planon vədə betafot nibəmande, Kənani Çafi ijən de sioniston fəvafuğon barədə Azərbaycan Respublika rəsmi şəxson cəvobon tələbış kardə ki Azərbaycan Respublika xarıci vəzarətxonə sıxənəvot, ım barədə cəvobış nıdo, və bə İroni ələyh tojə ittihamon bəyonış kardə.
İroni xarıci vəzarətxonə sıxənəvot ijən təsdiğış kardə: bə mısılmonə kişvəron nez bey sionisti cinoyətkorə rejimi hədəf, ıştə tələbon bə vırə rosniye cəhəto, İslomi ummətədə ixtilof icod kardeye.
Telavivədə de Azərbaycan Respublika səforət oj bey həmzəman, sionist rejimi xarıci vəzir Ali Kohen ıştə sıxənonədə Telaviv-Buko anti İroni həmkoətion əlovə beyku sıxən votışe.
Azərbaycan Respublika de sionist rejimi 30 sor rabitəş bey bəpeşt, bə ğərol omə ki Telavivədə ıştə səforəti oj bıko, ım hərəkət Fələstinıjə millət və qrupon hevujə vızməti bois bıə.
Cımə şəvədə, İron İslom Respublika vəzarətxonə sıxənəvot, Nasr Kənani Çafi Azərbaycan Respublika və sionist rejimi təvafuğ iyən Azərbaycan Respublika xarıci vəzarətxonə sıxənəvoti səmtiku be əsosə iddio barədə qıləy Tvittədə nıvıştəşe: Azərbaycan Respublika devlətiku tələbımon kardə de sionist rejimi xarıci vəziri sıxənəvot bə İroni ələyh icod kardə cəhbə barədə cəvob bıdə əmmo Azərbaycan Respublika xarıci vəzarətxonə sıxənəvot cəvob nıdoşe və bə İroni ələyh tojə ittihamon bəyonış kardə.
