Çavuşoğlu: Mayə manqədə İron, Tırkiyə, Suriyə və Rusiyə 4tərəfiyə iclos bərpo bəbe
Zinə Dışəmbə, Tırkiyə xarıci vəzir elanış kardə: Mayə manqi əvvələ rujonədə, İron, Rusiyə, Tırkiyə və Suriyə 4tərəfiyə iclos bərpo bəbe.
Ankara rəsmi şəxson çand kərə iddioşon kardə bin ki de Dəməşği rabitəon tojədən bino kardey dumoədə hestin, əmmo Suriyə rəsmi şəxson əcumlə Suriyə prezdent, Bəşar Əsəd təkidış kardə ki Suriyə sərzəminiku Tırkiyə hərbiçion xarıc bey, həminə royədə iminnə qame ki bəpe peqətə bıbu.
Bə Spotnik raporti əsos, Tırkiyə xarıci vəzir, Mevlud Çavuş Oğlu iddioş kardə ki Tırkiyə və Suriyə prezidenton yəni Ərdoğan və Əsəd ya vəziron səthədə, vindemononku, əmə bə hiç nəticə nibərəsəmon.
Çavuşoğlu de Misri və Tırkiyə rabitəon barədə vəoməy rujonədə, bə Ankara Misri xarıci vəziri səfə işorəş kardə iyən votışe: Tırkiyə prezidenti səçıni bərpo bey bəpeşt, mumkine ki Tırkiyə və Misri prezidenton, Ərdoğan və Əlsisi deyande vindemon bəkan ki həlbətə bə 2 qılə kişvəri prezidenti ğərol vabəstəy.
