İron iyən Ğəzaxistoni ticori əloğəon inkişofi barədə Rəisi təkid

İroni prezident votışe: əqəçı dəvardə sorədə bıə İron iyən Ğəzaxistoni miyono bıə həmkoətionədə çokə vəziyət icod bıə əmmo ın miğdor əloğə de 2 qılə kişvəri zərfiyəton həmohənq şedə ni iyən bərobərəti kadedə ni.

Bə İrna raporti əsos, Sey İbrohim Rəisi zinə şəv Tehronədə de Ğəzaxistoni i minnə vəzir Əlixan İsmailov vindemoni cərəyonədə ki 2 qələ kişvəron prezidenton miyono bıə nakonə sazişon təğib və icro kardey çərçivədə dəvoniyə bıəy bə iğtisod və ticorət baxşədə bıə  həmkoətion inkişofi zərurəti təkidış kardə.

Mərkəzi Asiya tosə Fars dıyo nəğliyot karidori infrastruktorədə invistisiya, ticori əloğəonədə hostonətiro nəğliyoti inkişof, ditəsərufat zəminədə əloğəon inkişof və puli-banki baxşədə nuyə mexanizmonku istifodə kardey əcumlə ın vindemoni mehvıronku ğeyd bıə.

Rəisi ijən bə Ğəzaxiston iyən İroni sivilizasiya və mədəniyət cəhəto əloğəon inkişofi lozim bey işorə və həminə cəhəto mədəni əloğəon mıştərikə kamissiya icud bey tələbış karde.

Ğəzaxistoni i minnə vəzir Əlixan İsmailov İron-Ğəzaxistoni miyono bıə həmkoətion inkişofi bə təğdiri loiğ bə hisobış varde və iğtisod iyən ticorət zəminədə bıə əloğəon barədə votışe: 2 qılə kişvəri miyono bıə həmkoətion miğdir de mıvcudə zərfiyəton həmohənq ni çən tale həmkoətion inkişofiro planoni hozzı bıə.

Ğəzaxistoni i minnə vəzir Əlixan İsmailov umidəvu be ki de Tehron-Astanə təvafuğon icro bey muxtəlif baxşonədə bıə 2 tərəfi həmkoətionku bə dast omə nəticəon 2 qılə millətiro his kardəninə mənafış bıbu.