Tehronədə Rusiyə iğtisodi 100 nəfərə heyəti iclos de İronıjə taciron bərpo bıə.

İron və Rusiyə ticari iclos de 100 nəfərə Rusiyə heyət ki kaştemoni, ticari və sənaye baxşonədə əktivə iğtisodi və ticari şirkəton və de Rusiyə ticarəti baxşonədə əktivə İronıjə şirkəton nımoyəndəon və ali mudron iştirok bərpo bıə.

Bə İrna raporti əsos, İron və Rusiyə ticari yolə iclosi rəsmiyə bino beyku bənav ki de İroni ticari, sənaye, məədən və kaştemoni palata cəhdon vositə bərpo bıə, İroni palata rəis, Ğulam Huseyn Şafei iyən Rusiyə ticari və sənaye palata rəis, Serqey Katrin, qıləy 2tərəfiyə vindemoni ğolibədə, bə 2 qılə kişvəri iğtisodi rabitəon oxonə təhəvulaton işorəşon kardə iyən 2qılə kişvəri ticari həmkoətion vey muhimmə mıvzoon bənə şimol və cənubi koridor, qomrokon, nəğliyot, Xəzədə kəştivonəti, banki kırniye, investisiya, Avrasiya iğtisodi ittifoği ğolibədə həmkoəti iyən ostani həmkoətion barədə de yande sıhbətışon kardə.

İroni xarıci vəziri iğtisodi diplomatiya muavin, Məhdi Səfəri həm ım iğtisodi  onemoni muhimm zınəşe və dəvardə soronədə  İron və Rusiyə iğtisodi və ticari rabitəon səthi əlovə beyro bə 2 qılə kişvəri prezidenton ciddiyə irodə, iyən 2 qılə kişvəron rəsmi şəxson miyono əncom bıə məşverəton və hərəkəton işorəş kardə və votışe: muxtəlifə baxşonədə əcumlə reyls xətton, dıyo, caddə və tərkibiyə nəğliyot, qomroki koon hoston kardey, tranzit, osınə ro və bəndəri infrustruktoron icod kardey, investisiyaon, puli iyən banki kırniyero krediton mıvzoon və İron və Rusiyə həmkoətion hevujətiro, lozimə zəminəon hozzoe.

Rusiyə sənaye və ticarəti palata rəis Serqey Katrin həm 2 qılə kişvəri milli vəlutaon mıbodiləon hoston kardey iyən koridoron nəğliyot vey muhimmə mıvzoon bənə 2 qılə muhimmə mıvzo ki karde bəzne İron və Rusiyə iğtisodi həmkoətion və ticari əlovə beyədə veyə təsirış heste, təkid bıə.