Bə İron Rusiyə iminnə vəziri muavini səfə
Imruj Seşəmbə, Rusiyə iminnə vəziri muavin de ali heyəti bə ico bə Tehron səfə bəkay.
Bə Təsnim aqentiyəti raporti əsos, Imruj Seşəmbə Rusiyə iminnə vəziri muavin Əleksander Noak, 2 rujə səfə mıddətədə bə Tehron səfə bəkay və de Prezidenti iminnə muavin Muhəmməd Muxber, Nafi vəzir Cəvad Oci, İroni mərkəzi banki yol, Muhəmməd Rıza Fərzin vindemon və 2 qılə kişvəri həmkoətion hevujəti barədə votımon bəkan.
Tehroni nati kimiyə, qaz və nati 27 minnə beynəlxalğə nımoyeşqohku vindemon və həmçınin İronıjə bə nav şey şirkətonku vindemon kardey, Rusiyə iminnə vəziri muavini səfə co qılə bərnoməonin.
İron və Rusiyə 2tərəfi muxtəlifə zəminəonədə xususi iğtisodi, hərbi və əmniyyəti rabitəon və həmçınin məntəğə və beynəlxalğə məsələon barədə bənə de Amerkə unilateralizm mobarizə bardey, mıştərəkə stratejikə mənafe soybin və oxonə soronədə ım məsələ 2 tərəfə nezə həmkoətion vey muhimmə koon be.
