Ermənıstoni hakim partiya de İron İslam Respublika ticari rabitəon ziyod karde pidəşe.

Ermənıstoni i minə vəzir de İron İslam Respublika ticari rabitəon ziyod karde sahədə 2 qılə kişvəri miyono iğtisodi bıstən bəhəvati miğdori bə 1 milyard dollar rosniye pidəşe.

Bə Erməni Rədio raporti əsos çı Ermənıstoni hakim partiya i minə muavin Karen Karapetiyan İroni sərhəddiyə məntəğəonku diyə karde cərəyonədə İron və Ermənistoni miyono ozod ticarət məntəğə icod karde barədə ujnən bə sərmoyəon və investoron cəzb karde təkidış kardə.

Karaptiyan bə 2 qılə kişvəri miyono çokə imkanat və zərfiyəton işorəş kardə ijən ticarət miğdori ziyod kardero omidvar bıə.

Ermənıston və İron Siyonik sərhəddiyə ostanədə ozod ticariyə məntəğəro vey ciddiyə iradışon heste.

Tojədən xəbə omə ki İron və Ermənistoni miyono parlamentiyə dusti qrupi rəis Rəməzan Əli Sobhanifər həm Tehronədə de Ermənıstoni səfir mıloğatış karde ijən 2 qılə kişvəri miyono qomrokiyə həmkarion problemon və maneon peqəte tələbış kardə.