İron və Tırkiyə xarıci vəziron telefoniyə votımon

İron və Tırkiyə vəziron, 2tərəfi rabitəon hevujəti barədə, telefoniyə votımonədə deyande sohbət kardışone.

Bə İsna aqentiyəti raporti əsos, İroni xarıci vəzir Huseyn Əmirəbdullahiyan de Tırkiyə xarıci vəzir Mevlod Çavoş Oğlu telefoniyə votımonədə, Tırkiyə prezidenti səçınədə Rəcəb Təyib Ərdoğani səbarzəti təbrik votey bəpeşt ıştə umu nışoş do ki tojə devlətədə, 2 qılə kişvəri miyono həmkoətion dəvardəku vey bə 2 qılə kişvəri prezidenton tələb iyən irodə dəvom peydo bəkay.

İroni xarıci vəzir həmçınin muxtəlifə baxşonədə bə 2 qılə kişvəri həmkoətion zərurət təkidış kardə.

Tırkiyə xarıci vəzir Mevlod Çavoş Oğlu həm ım telefoniyə votımonədə, məntəğə mevzuonədə, bə İron, Tırkiyə 2tərəfiyə həmkoətion təkidış kardə.