Rusiyə Kazan nımoyişqohədə İroni ditəsərrufoti sənaye məhsulon nımoyiş doey

Rusiyə Tatarıstoni Respublika mərkəzi Kazani şəhr, ım kişvəri kaştemoni nımoyişqohiyə yolə hodisə mizbon bıə ki bəvədə İroni istehsoli kaştemoni sənaye əbzaron əcumlə Traktor və kombayn de muxatəbon vositə vindemon bıə.

Rusiyə Kazan nımoyişqohiyə hodisə, de 300 qılə kompaniya iyən 61 qrup miyonədə, kaştemon, ditəsərrufat və istehsoli mısobiğəon bərpo bey holədəy ki iminnə kərəro ım rəğabətonədə İroni İslomi Respublikaku qıləy komanda həm iştirokış heste.

Bə Rusiyə Kazanədə İroni konsulqəri raporti əsos, ım rəğabəton de Rusiyə ditəsərrufati vəzorətxonə iyən "Ros Aqrolizinq" nomo ım kişvəri ditəsərrufati devləti lizinqi şirkəti vositə bərpo bəbe.

İron İslom Respublika iminnə kərəro de İroni ditəsərrufati əbzaron və maşinon ixracəkəyon və istehsoləkəyon ittifoğ, və Rusiyə Arsenal şirkəti himoyə ıştə məhsulon bə nımoyeş noəşe, ki 20 modeliku vey boği iyən ditəsərrufati traktoron, boği iyən kaştemoni təchizaton ım təchizatonku şomil bəbe.

Rusiyə ditəsərrufati baxşi rəsmi şəxson, ım nımoyeşqohədə İroni iştirokiku ıştə himoyə iyən şoəti nışoşn do iyən de işorə bə 2 qılə kişvəri dostunə və siyosi rabitəon səthi əlovə kardey, Rusiyə vojorədə İroni istehsoləkəyon ciddi iştirok və məhsulon zıney kardey tələb kardışone və harcurnə himoyəro ıştə hozzoəti elanışon kardə.