Rusiyə səfir bə İroni xarıci koon vəzorətxonə vanq kardey bıə

Tehronədə bıə Rusiyə səfir bə İroni xarıci koon vəzorətxonə vanq kardey bıə.

İroni 3curnə cəzirəon barədə Fars dıyo həmkoəti uzv bıə kişvəron və Rusiyə xarıci vəziron strateqiya votımonon 6minnə dıvrə oxonə bəyaniyədə elan bıə mətləbon dumoədə, zinə Çoşəmbə Tehronədə bıə Rusiyə səfir Əleksi Dedov de Fars dıyo mudir iyən vəziri dəstyar Əlirıza Enayəti bə xarıci vəzorətxonə vanq bıə iyən həminə məsələ barədə İron İslom Respublika etıroz bəyon bıə.

İroni xarıci vəzorətxonə Fars dıyo mudir iyən vəziri dəstyar Tehronədə Rusiyə səfiri vindemonədə təkidış kardə ki Əbo musə, yolə Tenb iyən qədə Tenb həmişəro bə İroni məxsuse və tələbış kardə ki Rusiyə bəpe ım ləpəon barədə, ıştə bəyon iyən nəzə əvəz ko.

Tehronədə bıə Rusiyə səfir həm bə İron İslom Respublika ərzi təmamiyət təkidış kardə və votışe: vey rə ım mətləbon bə Moskva elan bəkam.