İ Bıə Milləton Təşkilot, Laçin koridori dəbasteyku ıştə niqəronəti elanış kardə
İ Bıə Milləton Təşkiloti sərkatib, bandiyə Ğərəboği Laçin koridorədə dəbastey dəvomi raporton barədə ıştə niqəronəti elanış kardə.
Milodi 2022 minnə sori Dekabriku Azərbaycan Respublika Erməniston- bandiyə Ğərəboği roy ki bə Laçin koridor məşhure dəbastəş be iyən İrəvan və Ğərəboği rəsmi şəxson, Boku ım hərəkət bənə sulh sazışon oşko surəti darşiye və ım məntəğə 120 həzo sakin bıə Ermənionro problemon icod kardey zəminə zıneydən.
Bə Spotnik raporti əsos, İ Bıə Milləton Təşkiloti sərkatibi sıxənəvot, Fərhan Həğ qıləy bəyoniyədə Antoniyo Qutereşi niqəronəti elan kardey bəpeşt, Laçin Koridorədə dəbastey dəvomi barədə behranon bəyon və əlovəş kardə: İ Bıə Milləton Təşkiloti sərkatib co kərə ıştə tələbi bəyonış kardə, bə ım əsos beynəlxalğə ədoləti təşkilot sadir bıə hokmonku tərəfdorəti kardeyro bəpe bə Fevrali 22 minnə ruji hokmi əsos əməl bıko kə bə çəy əsos har 2 qılə royədə ım roonədə şe-omey əncom bıbu.
Fərhan Həğ ijən votışe: Qutereş xususi Ğərəboğədə insoni vəziyəti bevəc bey barədə ıştə niqəroəti elanış kardə və İrəvan iyən Bokuku tələbış kardə ta rabitəon normal kardey cəhətədə ki bə məntəğə əmniyyət və sulh mənafe əsose vey cəhd bıkon.
