Bə Ermənistoni oxonə nəzəon xoto Azərbaycan R. reaksiya nışoş do

Azərbaycan R. xarıci vəzorətxonə Ğərəboği məntəğədə sakin bıə Ermənion barədə, bə Ermənistoni iminnə vəziri oxonə nəzəon barədə reaksiya nışoş do.

Tojədən, Ermənistoni iminnə vəzir Nikol Paşiniyan Ğərəboği məntəğədə sakin bıə Ermənionro de işorə bə insoni bevəcə vəziyət votışe: Boku bə ım məntəğə bəşərdustanə koməkon vığandey vəy qətəşe və ğovmi pok məhv kardey holədəy.

Bə Tele-Rədio aqentiyəti raporti əsos, Azərbaycan R. vəzorətxonə Paşiniyani sıxənon rədış kardə iyən İrəvani mıttəhəmış kardə ki Ermənistoni sərzəminədə sakin bıə Azərion məhv kardey holədəy.

Im bəyoniyədə omə:  Laçin koridorədə, Azərbaycan R. fəğət Ermənistoni ğeyri ğanuni fəaliyəton və siloh ovoştoniyəku vəy qəteydə iyən bəşərdustanə fəaliyətonro ım roy ijən oje.

Im vəzorətxonə ijən əlovəş kardə: ehanə həğiğətən Ğərəboi sakin bıə Ermənion bə zəruriyə ləvozimon ehtiyocışon bıbu, karde bəznen beynəlxalğə şərikon jintonədə, Ağdam-Xankənədi royku istifodəkon.

Tojədən İ Bıə Təşkiloti məxsusə raporton Laçin koridori dəbastey iyən ım məntəğə sakinon mıhosirə təyid kardışone.