Ğəzzədə etosniye və islomi sivilizasiya əsəron xərbo kardey məhkum kardey

Malayziya bə milləti mutəşəkil bıə təşkilaton və məçiton islomi onemonon nımoyəndəon və yolon, bə etosniye oqətey və bə Ğəzzə məçiton bənə islomi sivilizasiya əsəron xərob kardey vəy qətey təkidış kardən.

Bə Tele-Rədio aqentiyəti raporti əsos, tojədən Malayziya bə milləti mutəşəkil bıə təşkilaton və məçiton islomi onemonon nımoyəndəon və yolon, ım kişvəri paytəxt, Kuala Lumpurədə de Məçituləğsa hambasteqi iclosədə iştirok kardey vositə, de işorə bə de sionist rejimi vositə 1000 qıləku vey məçiton bombardımon kardey, Ğəzzə tanqədə islomi sivilizasiya  əsəron pok və xərob kardey əməliyoti vəy qətey və etosniye oqətey təkid kardışone.

Bə de Məçituləğsa hambasteqi iclosi oxonə bəyoniyə əsos, Malayziya həmmə məntəğəon 6500 qılə məçiton, İslomi onemonon nımoyəndəon və yolon Ğəzzə tanqədə 1000 qıləku vey məçit xərob bey və sionist rejimi cinoyəton məhkum kardışone.

Oktiyabrə manqi 7minnə rujədə, Fələstini muğaviməti qrupon, de Ələğsa Tufan nomo əməliyoti vositə, bə sionist rejimi ələyh ıştə həmləon bino kardışone. ım məğlubiyəti bəpeşt, Telaviv, intiğom sıey hərəkəti çərçivədə, de şiddətin surət bə Ğəzzə həmləş kardə.