Tırkiyə ğəhrəmonon kubok cıvonon dəçıke mısobiğəonədə İroni varzışkoron dəvəşəti

Antaliya şəhrədə Tırkiyə ğəhrəmonon kubok cıvonon ozod iyən yunan-roma dəçıke beynəlxalğə rğabəton 2minnə vəznon mısobiğəonədə İroni varzışkoron bə 5 qılə tıle iyən 1 qılə nığə dast peydo kardışone.

Bə İsna raporti əsos, zinə, və Antaliya şəhrədə, Tırkiyə Tırkiyə ğəhrəmonon kubok cıvonon ozod iyən yunan-roma dəçıke beynəlxalğə rğabəton 2minnə vəznon mısobiğəon bərpo bıə ki oxoysə, İroni dəçıke nımoyəndəon bə 5 qılə tıle iyən 1 qılə nığə dast peydo kardışone.

İroni cıvonon ozod dəçıke vıjniyə bıə komandaro, Şəhdad Xosrəvi 61 kiloqerəmə vəznədə, Əli Rezai 74 kiloqerəmə vəznədə, və Əmir Rıza Dəliri 92 kiloqerəmə vəznədə bə tıle medal dast peydo kardışone.

ijən İroni cıvonon yunan-roma dəçıke vıjniyə bıə komandaro Əhura Boyeri 72 kiloqerəmə vəznədə, Muhəmməd Hadi Səyyadi 87 kiloqerəmə vəznədə bə tıle medal iyən Əbolfəsl Dadmərz 60 kiloqerəmə vəznədə bə bırınci medal dast peydo kardışone.