Pokistoni Islomi Cəmoəti partiya: israil rejimi mudafiə de İroni mudafiəkə əməliyot vılo bıə.
Pakistoni islomi cəmaəti rəyisi muavin, bə seonist rejimi qenosid rejimi ələyh, İron İslom Respublika hərbi cəvob, Tehroni ğanuni həx zınəşe və təkidış kardə, israil rejimi mudafiə de İroni mudafiə əməliyot vılo bıə.
Milodi 2024 minnə sori Aprelə manqi i minnə rujədə seonist rejim qıləy terroristiyə həmlədə Dəməşğədə bə İroni səforətxonə həmlə kardəş be ki ım həmlə cərəyonədə 7 nəfər İroni hərbi ali mışoviron şəhid bıən.
İroni həmmə ğıvvon komandir iyən İslomi İnğilobi Yolə rəhbər, Həzrəte Ayətullah Xamenei Telavivi ım hərəkət, bə İron İslom Respublika sərzəmini həmlə zınəşe iyən təkidış kardə ki seonit rejim tənbie bəbe.
Həminə cəhətədə Aprelə manqi 14 minnə rujədə İslomi İnğilobi Sepah Təşkilot bə işğol bıə sərzəminon səmt de rəket iyən bepilotə təyorəon vığandey vositə, ım rejimi tənbie kardəşe.
Bə İrna raporti əsos, Lahorədə Pakistoni İslomi cəmaəti partiya rəyisi muavin Liyağət Bəluç de bəyon ım ki həğiğətədə bə seonist rejimi ələyh İroni rəket və bepilotə təyyorəon əməliyot bə israili işğolçiyə rejimi təcavuzon qıləy cəvob be və İroni ğanuni mudafiə bə hisob omeydə ijən təkidış kardə: İroni ım tənbihiyə hərəkəti vey muhimmə noğtə ıme ki Ələğsa Tufan əməliyoti bino bey bəpeşt, 2minnə kərəro israili işğolçiyə rejimi mudafiə vılo bıə.
