israil, Asiya ğərbədə daveon əlovə bey vey muhimmə amile
Tırkiyə prezdent, bə sionist rejimi ələyh İron İslom Respublika intiğom sıey əməliyotiku himoyə kardeyədə, ım rejimi yolon, Asiya ğərbədə daveon əlovə bey vey muhimmə amil zınəşe.
Milodi 2024 minnə sori Aprelə manqi i minnə rujədə seonist rejim qıləy terroristiyə həmlədə Dəməşğədə bə İroni səforətxonə həmlə kardəş be ki ım həmlə cərəyonədə 7 nəfər İroni hərbi ali mışoviron şəhid bıən.
İroni həmmə ğıvvon komandir iyən İslomi İnğilobi Yolə rəhbər, Həzrəte Ayətullah Xamenei Telavivi ım hərəkət, bə İron İslom Respublika sərzəmini həmlə zınəşe iyən təkidış kardə ki seonit rejim tənbie bəbe.
Həminə cəhətədə Aprelə manqi 14 minnə rujədə İslomi İnğilobi Sepah Təşkilot bə işğol bıə sərzəminon səmt de rəket iyən bepilotə təyorəon vığandey vositə, ım rejimi tənbie kardəşe.
Həminə cəhətədə və bə Tele-Rədio aqentiyəri raporti əsos, Tırkiyə prezdent Rəcəb Təyyeb Ərdoğan Suriyə paytəxti Dəməşğədə bə İron İslom Respublika səforətxonə kunsoli israili təcavuzi barədə votışe: sionist rejimi iminnə vəzir, Benyamin Netanyahu və ım rejimi co qılə yolon, Asiya ğərbədə oxonə daveon muhimm və yeqanə taxsikoronin.
Ərdoğan, sionist rejimi iminnə vəziri bə qıləy məntəğə canqi icod bey cəhd kardey mıttəhəmış kardə və votışe: Netanyahu cəhdış heste ki bə ğudrət mandey xoto, Ğəzzədə canqi dıroz bıko.
