Rusiyə: Ğərb de otəşi hənək kardedə

Rusiyə xarıci vəzorətxonə sıxənəvot elonış kardə: ğərb de Ukrayna təşviğ kardey və bəy siloh doey vositə, bə Rusiyə sərzəmini həmlə kardey, həğiğətədə daveon əlovə kardey dumoədəy və de otəş hənək kardedə.

Bə Raşatodey Rusiyə aqentiyəti raporti əsos, Rusiyə xarıci vəzorətxonə sıxənəvot, Marya Zaxarova bə Ukrayna ğərbi silohon vığandey barədə de işorəş kardə: əvon nə ım ki bə Kiyef diyəro bıə məsofə rəketon və qıvonə silohon doəşone bəlkəm bə əvon havzə çeroğ nışo doşone ta bə Rusiyə ələyh ım sulohonku istifodə kənən, əv ijən votışe: Amerkə və Britaniya mudiron xusiyəton, ım vəhşiyə həmləon peştədə de oşko surəti muşahidə bıdə.

Rusiyə xarıci vəzorətxonə sıxənəvot ijən əlovəş kardə: Moskva de bərobər surəti bə Vaşinqton, London və Avropa ittifoğ (Bruccel) iyən co qılə ğərbi kişvəron ijən bə Kiyef ki çəvon kontrolədəy, nota doydə ki de otəş hənək kardedən boçi ki Rusiyə ıştə sərzəminədə jığo təcavuzon cəvob bədoe.