İroni tojə prezidenti vıjniye xoto Ğəfğaz mısılmonə ruhanion idarə rəisi təbrik peyğom.

Ğəfğaz mısılmonə ruhanion idarə rəis qıləy peyğomədə İroni prezident Həsən Ruhani ujnən bə prezident intixab bey təbrik votışe.

Bə İrib raporti əsos Əllah Şukur Paşazadə ıştə ım peyğomədə təsdiğış kardə: İroni prezident deştə qəncinə təcrobəon ijən İroni bə inkişofi tərəf barde xoto səy və cəhdon çımiku vey karde bəzne beynəl xalğ sahədə bo İroniro tojə muvəffəğiyəton boiys bıbu.

Ğeyd kəmon ki dəvardə cumə ruji yəni Mayə manqi 19 minə ruji səçıni bəpeştə İroni ıstənə prezident Həsən Ruhani ujnən de 23 milyoniku vey sədoon bənə çı İroni 12 minə prezident vıjniyə bıə.

İroni millətiku bə 73 faiz nızi sədo həxi xıvand bıə cəmaəton ım səçınədə iştirokışon kardə.