Azərbaycan Respublika muxalifə jurnalist Qurcistan məmləkətdə dızdiyə bə.
Qurcistanədə naməlumə odəmon Azərbaycan Respublika devləti qıləy muxalifə jurnalisti dızdedə.
Bə Frans pers xəbon əsosi qurcistanədə bıə Azərbaycan Respublika devləti muxalifə jurnalist Əfğan Muxtarli vəkil Elçin Sadığovi zinə bokuədə bə jurnaliston votışe: çəy muvəkkil şəxsiyə odəmon tərəfiku ki qurci zıvonədə qəp jedə bin dızdiyə bə. və əlavəş karde əvon Əfğan Muxtarli je koe bəpeştə bə Azərbaycan Respublika əmniyyətiyə ğıvvon təhvil dodən.Muxtarli peso bə Azərbaycan Respublika dılə ovıştıniyə bedə və əyo ğeyreğanoniyə holətədə 10 həzo avro bə məmləkət ovıştıne vavunədə məhkum bedə.
ım məsələ qıləy holəndəy ki ım muxalifə jurnalisti vəkil ım bıhtonon kamilən pesoxtə bə hərəkət zındəy.
həmçinin Azərbaycan Respublika prakıratora həm həminə məsələ barədə elanış kardə ım journalist ğeyre ğanuniyə holətədə sərhəddiku dəvarde xoto dəstqir ə.
Muxtarli Azərbaycan Respublikaku tıle bəpeştə 2015 minnə soriku qurcistanədə sakin bə ki Azərbaycan Respublika president İlham Əliyevi mali fəsotinə sənədon piyo bə təhğiğ məşğul be.
