İrəvanədə Tacikistoni prezident bə 2 tərəfiyə həmkarion təkidış kardə.

Tacikistoni prezident İmam Əli Rəhman İrəvanədə de Ermənistoni prezident Serj Serkisiyan mıloğat və votımonış kardə.

Bə Fars aqentiyəti raporti əsos ım mıloğatdə 2 tərəfiyə aliyə heyəton 9 qılə həmkari sənədon imzoşon kardə.

Çımiku bə nav Erməniston və Tacikistoni miyono Səvıt hukuməti faxtədə 30 qılə sənədon imzo bıə bıən ki ım sənədon hiç faxt bə əməliyatiyə mərhələ nırəsə.

Ğeyd kəmon ki Tacikiston əcumlə kişvərone ki həmişə bə Ğərəboği bohrani sulhin surət həl karde təkidış kardə.

Tojədən Rusiyə Suçi şəhrədə bıə Siyohə Dıyo həmkari təşkilatədə uzv bıə kişvəron xarıci vəziron iclosdə Tacikistoni xarıci vəzir elanış kardə: Tacikiston çı Erməniston və Azərbaycan Respublika sərhəddiyə məntəğəonədə bıə daveon iyən canqiyə vəziyəti dəvom peydo kardeku niqərone ijən pidəşe ki bənə həmmə bohranon ım 2 tərəfiyə dave həm de muzakirə və dustiyə votımon həl bıbu.