Bokuədə Ğuds beynəl xalğiyə ruji aksiya.

Bokuədə bıə siyonist rejimi səfarətxonə vədə cəmoət de etırozon ijən Ğuds beynəl xalğiyə aksiyaədə iştirok karde xoto ıştə himoyəonışon çı Fələstin məzlumə millətiku elanışon kardə ijən de ım rejimi cinoyəton məhkum karde bə Fələstin işğal bıə sərzəmini tam ozod karde təkidışon kardən.

Bə İrib raporti əsos Aksiyadə iştirokəkəyon ıştə oxonə bəyoniyədə ijən bə Fələstini milləti himoyə karde işorəşon kardən və pidəşon bıən həmmə ozod tələbon ım məzlumə cəmoəti peştədə bıbun.

Aksiya bəyoniyə dəvomədə ğeyd bıə: Ğuds beynəl xalğiyə ruj ki de İroni islamiyə inğilabi bino əkə Həzrəte İmom Xomeyni(r) tədbiri bərobər ijən mıborək rəməzanə manqi oxonə cumə rujədə vıjniyə bıə qıləy çokə fırsət heste ta islam dınyo ijən ıştə vəhdəti bə siyonist rejimi əleyh nışo bıdən və de ım rejimi mubarizə barəde dəvom bıdən.

Zinə ruji aksiya  Bokuədə polis və əmniyyətiyə ğıvvon nəzorəti jentonədə əncom bıə və xəbə omə ki 30 nəfər ım etırozi cərəyonədə dəstqir bıən.

Zinə de  BokuədəĞuds beynəl xalğiyə ruji mitinqi bərobər dınyoədə həm bə siyonist hırdənəkıştə rejimi cinoyəton etıroz kardero çandə aksiyaon bərpo bıə be.