Tırkiyə və Azərbaycan Respublika prezidenton de yande mıloğat kardışone.

İlhan Əliyev və Rəcəb Təyyeb Ərdoğan məntəğə və 2 tərəfiyə əloğəon barədə de yande mıloğat və muzakirə kardışone.

Bə İrna raporti əsos Azərbaycan Respublika prezident ki zinə bə İstambul varid bıə be zinə şəv de Tırkiyə prezident Rəcəb Təyyeb Ərdoğan mıloğatış kardə ijən muxtəlifə mıvzoon barədə de yandə muzakirəşon ka.

Hələ ım mıloğati detalon və mıhtəvaon barədə hiç xəbəi elan bıə ni.

İlham Əliyev İstambulədə qaz və nat beynəl xalğiyə sənaye iclosədə iştirok kardero bə Tırkiyə səfərış kardə.

Həminə iclosi 22 minə dıvrə mərasimon ğərore ki 4 ruji mıddətdə de enerji sahədə 100 qılə kişvəronədə bıə fəaalə kompaniyaonku 500 nəfər əcumlə İroniku nımoyəndəon huzuri ımruj İstambulədə bino bıbu və detosə 5şambə dəvomış bəbe.

Həminə iclos qıləy şərayetdə bərpo bıdə ki de beynəl xalğiyə səy və cəhdon bərobər ijən de Rusiyə həmkarion dəvom peydo karde hələ həm nati ğəymət dınyo vıjoronədə vey erjone.