İnğılobi Rəhbəri bə İraği xalği təşəkkurə mesaj

Həzrət Ayətullah Xameneyi: çı mığovimət ələmdori ım bemislə, çandə milyonə insoni iştirkok kardə təşyi mərosim, çe dıqlə xalğ-İrağ iyən İroni miyono empatiya(həmdıləti), bıvəti və mıştərəkə məğsədon tam təzahur be.

Əhli-Beyti(ə) hamsuyəti və mığəddəsə sərzəminədə mehmon kardey yolə nemətiku zevğ seyə,bə dəvəşə mədəniyyəti torıxi malik,bənə ğədim və nuroniyə Nəcəf Əşrəf mənəvi və hidoyəti dastək və mığoviməti cəbhədə bıə cəsorətinə əməli foydə bardə İraği muminə xalğ,bənə İroni xalği,yol və əzəmətinə lideri,mığəddəsə məkoni şəhidi ğəbul kardeyədə ehtirosin,yol və mənodorə dastonış icod karde. İrağ,Əmirəl-Muminin(ə) mıborəkə ğədəmon bədiqə,bə qıləy mıborəkə diyori təbdil be və rəyrə çəy xalğ imom və çəy pokə nəsli(ə) eşğ və viloyətış bəştə qi ehaşte. Bın sərzəminədə zolımə hukmdoron devronon hiç vaxti çe insonon ğəlbiku bə viloyət və salehə xıyzoni bıə məhəbbəti sofə mohiyyətış pok kardeyış nızıne.Bə ın səbəbi xoto,Bəəs rejimi suğuti bədiqə bənə Ərbəyini şemoni bıə qıləy hodisə bə əməl ome və ım,çe insonon ğəlbi nığılə vıronku de imoni omey xoto rujbəruj,hevuj be.Məhz çın səbəbiku,ın insonon məzlum və şəhidə Əmir əl-Muminini zoə və Şəhidon Əğə,bəvon Xıdo səlom bıbu,mığəddəsə hərəmiku çandə soron bə diyəro mandey bədiqə,ın dəfə bənə Huseyni,bənə çəy inə və bıvə bədəni bıə bədəni vindeyədə,çəy omeyışon deştə qırd vucudi qiromi qəteşone. Diqər tərəfiku,çı mığovimət ələmdori ım bemislə,çandə milyonə insoni iştirkok kardə təşyi mərosim,çe dıqlə xalğ-İrağ iyən İroni miyono empatiya(həmdıləti),bıvəti və mıştərəkə məğsədon tam təzahur be.Şubhə ni ki, istikbori lideron İrağədə bıə ın yolə sərzəmini mehtəşəmə səhnəonışon de qıləy xofi təğib kardeşone və dıqlə xalği miyono mınosibəton məhf kardero noə dıjdə sərmoyəon çokonə befoydə və betəsir beyışon vinde. De Şəhidə Mıcohidə İmomi təşyi və vido mərosimi mınosibəti həm İronədə,həmən İrağədə çandə da milyon insoni iştirok,istikbori ğıvvon çe sıftəku onə mıodiləon əvəz kardero oğoəti və rol ifo kardey qıləy nuyə fəsl be.ısət yolə şəyton,cinoyətkorə Amerkə,məntəğədə rohətə hukmronəti vucudi dəvom kardey fəğət qıləy xəyoliku co hiç qıləy çi nıbey dərəse. Rəyrə,nəcibə İraği millət və çəy xunqamə ğəbiləon və əşirəon deştə ojə kəşon ijən həm bo Ərbəyini ziyorəti bə vırə rosney piyə zəvvoron,ə cumlə həm çı İroni şəhidi nomiku ziyorət kardə aşığon de məhəbbəti mırociyət bəkardeyn və bəlkəm həm çandə sorone mığəddəsə ziyorətqo de ehtıromi yod kardey oruzu kardə qıləy insoni ın əzəmətin və yolə təşyi mərosimi xotırə de həyğəti pur bıə şuori dimbədim bome:" حُبُّ‌ الحسین یَجمَعُناHuseyni məhəbbət əməni bə ivrə cəm kardedə ". İnşəallah,çəmə Əğə(əc) dıvo bo İraği milləti əmniyyət,bərəkət və tərəğği bəvarde,deştə lutf və səxovəti Seyd Mıştəbo Huseyni Xameneyi 2 / Səfər Əl-Muzəffər / 1448-26 / Tir /