Boku şəhrədə Ğuds beynəlxalğə iclosədə bə fələstinıjon hucum məhkum be.
Azərbaycan Respublika paytəxt Boku şəhrədə ğudsı beynəlxalğə konfransədə iştirak kardə kəson cumə ruji sionist rejimi hərbion bə fələstinıjə mitinq əkon hucumışon məhkum karde.
Çandə həzo fələstinıj cumə ruji fələstinı mıxtəlif məntəğonədə mincumlə Ğəzzə İordaniya ğərbiyə sahil və işğaliyə əudsədə"Xışmi Cumə" nomo Ələğsa məçitiku tərəfdarəti karde və bə Ələğsa məçit iyən ğudsı əhali zid sionist rejimi təcavuzqərə hərəkətonəndə muxalifət karde xoto mitinqışon dəvoni.
ım etirazinə mitinq sionist rejimi hərbion hucumədə xunin be.
sionist rejimi hərbion iyən tojə soxtə bə sionist ənıştə şəhron əhali hucumədə bə fələstinıjə mitinqəkon tərəf 4 qılə fələstinıj şəhid və 193 nəfər həm yarəjə bedən.
bə İRNA xəbon əsosi Ğuds və beynəlxalğə ictimaiyyəton siyasi və ixtisadiyə tərəfdarətion nomo 2 rujə beynəlxalğə konfrans pəynə ibə milləton təşkilati tərəfo və de Azərbaycan Respublika xarici koon vəzorətxonə iyən islamiyə həmkarəti təşkilati ıştə fəaliyyətış bino kardə və cumə ruji həm de qıləy bəyonoti ıştə koş bə oxo rosniyə.
