Azərbaycan Respublika və Turkəmenestani miyono həmkari təvafuğnoməon imzo bıə.

Turkəmenestan və Azərbaycan Respublika rəsmi şəxson miyono çand qılə həmkari mığoviləon muxtəlifə sahəonədə imzo bıə.

Bə İrna raporti əsos Turkəmenestani prezident Ğorban Əli Berdi Muhəmmədov ijən çəy heyət zinə de Azərbaycan Respublika rəsmion mıloğat və Bukodə çand qılə həmkari sənədon dıyoiyə nəğliyat, enerji, moliyot, mədəniyyət, turizm, ekoloqiya və nizomi-intizomi sahədə imzoşon kardə.

İlham Əliyev həminə vindemonədə de Turkəmenestani prezident muzakirəş kardə və siyasi iğtisodi ijən enerji sahədə həmkarionış çok hisob kardə.

Ğorban Əli Berdi Muhəmmədev həm bə 2 qılə kişvəri miyono həmkarion bə tojə mərhələ daxil bey işorəş kardə və votışe: həminə nəticəon ısət iğtisodi, siyasi və mədəniyyət sahədə moşahidə bıdə.

Turkəmenestani prezident zinə qıləy aliyə heyəti bə i co bə Buko varid bıə.