Tırkiyə: bo kırdonro komək vığande, terrorizmi hevuj karde boise.

Tırkiyə xarıci vəzir votışe: Suriyə şimalədə Amerkə bə kırdon komək karde siyasət məntəğədə terrorizmi hevujəti bois bəbe.

Bə İrna raporti əsos Movlud Çavoş Oğlo Ankaradə votışe: Suriyə Şərğədə iyən Rığğə məntəğədə bıə əməliyaton cərəyonədə Amerkə bə Suriyə Xalığ Mudafiə Hərbion iyən Demokratik İbemon nomo bıə Partiyaon koməkon karde bəzne məntəğədə terrorizmi hevojəti iyən çəvon zumandəti bois bıbu.

Tırkiyə dıvlət elanış kardə ki de terrorizm mubarizə barde bəhonəon, Amerkə detos bə ısət bə 900 qılə nezi de siloh pur bıə kamazi bə Suriyə vığandə.

Im mıvzo Tırkiyə və Amerkə miyono ixtilafon bois bıə.

Siyasi koşınason etığadışon ki Amerkə və Tırkiyə rəsmi şəxson fikədə çoknə de terrorizm mubarizə barəde çand curnə standardonış heste və har 2 qılə kişvər har zəmon ki lozim bıbu bə Daeş komək kardedən.