Sentiyabriku Ermənıstonədə Farsi zıvoni umute tojə dıvrəon bino bəbe.

Ermənıstoni paytəxt İrəvanədə omə Sentiyabri niməku ijən Kəbud nomo bıə məçidədə Farsi zıvoni yod doe tojə dıvrə kəlason bino bəbe.

Bə İroni Erməni Rədio raporti əsos, həminə klason mudir bo ım dıvrəro çandə tojə muəllimon dəvət karde işorəş kardə iyən votşe: de cıvonə muəllimon koməki vey kəson ısət təlimiyə kəlasonədə cəzb bıən.

Artuş Andersiyan əlovəş kardə: dəvardə soriku bə mıhəssilon iyən tələbəon tojə Farsi kitobi doəmone ki vey çokə nəticəon bois bıə.

Andersiyan ijən təkidış kardə ki dəvardə sorədə 7 qılə kəlosədə şaqirdon təlim vindəşone ki har kəlosədə 15 nəfər iştirok kardeşone.

İrəvanədə Kəbud nomo bıə məçidi Farsi zıvoni təlimiyə kəlason çı İroni səfarətxonə mədəniyə baxşi jentonədəy.