Boku islamiyə mərkəzədə dərs handə kəson təhsiliyə sənədon təsdiğ nibəbe.

Azərbaycan Respublika təhsil vəzarətxanə elanış kardə ki ijən Boku islamiyə mərkəzədə bıə dərs handə kəson təhsiliyə sənədon təsdiğ nibəkay.

Bə Aran niyoz raporti əsos çəy bəpeştə ki Bokudıvlət xaricədə bıə dini məktəbonku dərs hande kəson fəaliyəti ğədəğən elanış kardə be ısət xəbə omə ki ım kişvəri təhsil vəzarətxanə Buko islamiyə mərkəziku tələbəon təhsiliyə sənədi həm təsdiğ nibəkay.

Im mıvzo barədə tələbəon pidəşon bən de Ğəfğaz Mısılmonə Ruhanion İdorə rəis Əllah Şukur Paşazadə vindemonışon bıbu əmmo hələ ım ko bə nəticə rəsə ni.

3500 nəfər çı Boku islamiyə mərkəzi tələbəon ki təğribən 28 sore çəvon dərs bə orəx rəsə detosə bə ısət ıştə təhsiliyə sənədi təsdiğ kardero muvəffəğ bə nin ijən Azərbaycan Respublika təhsil vəzarətxanə bəvon dərsi dəvom doe icozə dodə nin.