Tehronədə İron və Ermənıstoni mədəniyə irson mıştərəkə nımoyişqo oj be.

De i qılə sərzəmini onvan İroni milliyə muzeyədə çı İron və Ermənıstoni miyono mədəniyə irson mıştərəkə nımoyişqo oj be.

Im nımoyişqo ojbemoni mərasimədə İronədə bıə İ Bıə Milləton təşkilati nəmayəndə Qari Luiz, Ermənıstoni mədəniyət vəzir Armen Əmiriyan, İroni mədəniyə irson və turizm idarə sədr Əli Əsğər Munısan ijən 30 qılə kişvəronku səfiron ıştirok kardəşone.

De i qılə sərzəmini unvan İron və Ermənıstoni miyono mədəniyə irson mıştərəkə nımoyişqo ojbemoni mərasimədə Əli Əsğər Munısan bə İron və Ermənıstani miyono 5 həzo sori mıddətədə bıə mədəni mıştərəkə rabitə işarəş kardə iyən votşe: İron və ermənıstoni miyono ğədimiyə əsəron mıştərəkə həğiğəton bə mıştərikə mədəniyəti ehtırom karde ijən Mədəni nığılə məzmunon rioyət karde əlomətdore.

Im mərasimədə çı Ermənıstoni mədəniyət vəzir həm təsdığış kardə: mədəniyət karde bəzne bo 2 qılə kişvəri əloğə iyən həmkarionro vey komək bıbu.

Im nımoyişqo de tosə omə 3 ruji mıddəti Tehronədə bərpo bəbe.