Ğərəbağədə qıləy azəriyə hərbi şəxs kıştə bə.
Azərbaycan Respublika mudafiyə vəzir Ğərəbaği munağişə bə məntəğədə ermənistanı silahlinə ğıvvon hucumi nəticədə qıləy azəriyə hərbi şəxsi kıştə beku xəbəş do.
Bə Fars aqentəti xəbon əsosi Azərbaycan Respublika mudafiyə vəzorətxonə zinə qıləy bəyonotədə elanış karde ki erməniyə tərəf otəşbasti ləğv kardeədə cəhbə na xəttonədə bə Azərbaycan Respublika silahlinə ğıvvon tərəf qulləşon ğandə.
2 tərəfi ğıvvon qıləy holədə dəvardə manqonədə bo can minnə kərə Ğərəbaği məntəğədə daveşon kardə ki Azərbaycan Respublika və ermənistan dəvardə haftə 2 şanbə ruji de Minsk qrupi rəison cenevrədə Ğərəbaği munağişə həl kardeyu cəm bə bin.
Ğərəbaği məntəğə Azərbaycan Respublika ərazi qıləy hissə bə hisob omedə ki milady 1991 minnə sori istiğlali bəpeştə Boku mərkəziyə devləti kontoroliku xaric bə.
