Bə dini dair Devlətə Komitə çe "İnteraz"iku boçi norozie

Çe Az.R qıley "İnteraz" nomədə televiziya hestışe. Rusiyadə fəaliyyət nişon dodə. Bı dəvardə rujonədə MM deputat Fazil Mustafa ım televiziya barədə ıştə mənfi fikiron votışe. Bə Dini Təşkilaton dair Devlətə Komitə dini maarifiə şebə mudir Sadiğ Mirzəyeviiən de "İnteraz"i fəaliyyəti əlağədar ıştə Komitə nəzər bəyon kardışe.

"Az24.az" sayti çey bı barədə fikron bə əhandon təğdim kardəşe. Mirzəyevi votəşe ki, "Bə Dini Təşkilaton dair Devlətə Komitə Respublika KİV -on, həmən çey informasiya məkanədə pevolo bıə elektronə informafiya vasiton - radio və televiziyon mutəmadi monitorinqi bardedə. Im monitorinqon nəticon muntəzəm təhlil bedə, və bə çey muvafiğ tədbiron vindedəmon. Dini Komitə çe "İnteraz" televiziya fəaliyyətədə illət və nırəsəyon bə oşko bekardəşe. İm televiziya bərnamon monitorinqi nişon doəşe ki, çey ım cur fəaliyyət çəmə məmləkətədə bə dini vəziyyəti mənfi təsir nişon doe bəzıne. Bı barədə bə ım televiziya rəhbəriyyəti çəmə komitə mevğe barədə məlumat doəmone."

Sosial şəbəkonədə və Respublika bəzi saytonədə  hətto "Azərspeys"i  ım televiziya pəxşi ğət karde barədən xəbon hestbin.

Bə teletəmoşoəkon çok məlume ki, "İnteraz" həmişə Azərbaycani əhali dini jimoni barədə hartərəfinə obyektiv bərnomon dodə. İmsor əv Əhli -beyt (ə) tərəfdaron məhərrəmə əzadarəti məclison barədə bərnomon bə təmoşoqəron nəzə rosnidəbe. Hejo çey ım obyektiv və beğərəzə mevğe çe Az.R bənə Fazil Mustafa şiəfobon bə təşviş dənodə. Əvon Əhli - beyt (ə) məhəbbəti çe xalqi dılo bekarde ro jiqo besəmərə cəhdon nişon dodən.