İron və Ermənistoni miyono parlamentiyə həmkarion hevuj bəbe.

İrəvanədə bıə İroni səfir Seyed Kazem Səccadi de Ermənistoni milli parlamenti rəis Ara Baboliyan mıloğat və 2 tərəfi həmkarion barde sohbətış kardə.

Bə İrna raporti əsos Səccsdi ım mıloğatədə bo əloğəon çımiku vey inkişof doe xoto bə həmkarion iyən muxtəlifə kamissiya iyən qrupon miyono muzakirəon ziyodəti və əlovə karde təkidış kardə.

Əv ijən bo zumandə iğtisodiyə həmkarion və 2 tərəfiyə iğtisodi rabitəon xoto bə parlamenton çımiku vey səy və cəhd karde təkidış kardə.

Ara Baboliyan həm İron və Ermənistoni miyono həmkarion hevujəti vey tələbış kardə və təklif kardə ki: de diğğət bə Ermənistoni siyasi soxtəmon və sistemədə milli məclesi veyə nıfuz və təəsir ım məclis çimi bəpeştə bəştə muhimmə rol əməl bəkay.

Əv bə qaz, tranzit, nəğliyat və iğtisodiyə əloğəon əhəmmiyət işorəş kardə və votışe: İron bəbe ım sahəonədə çımiku vey fəaal bıbu.

Çəy bəpeştə ki dəvardə sor İroni prezident İrəvanədə bo iğtisodi və muxtəlifə həmkarion inkişof doero bə Erməniston səfərış kardə bə nəzər omədə ki 2 qılə kişvəri miyono həmkarion bə tojə mərhələ daxil be.