İron və Rusiyə miyono natiyə həmkarion.

İroni sənaye tojə və hevuj əkə təşkilat iyən Russiyə Gazprom kəmpaniya miyono həmkari təvafuğnomə imzo bıə.

Bə irna raporti əsos ım mığovilə Tehronədə və 2 qılə kişvəri ım 2 qılə kəmpaniya rəison tono imzo bıə.

İroni sənaye tojə və hevuj əkə təşkilati sədr Mənsor Moəzımi həminə mığovilə imzo bey bəpeştə elanış kardə: İron de Gazprom həmkarion ziyod karde xoto kamilan hozzoe ijən ım mığovilə bo İroni sənaye fırsətonku istifodə kardero bə Gazprom komək bəkay.

Əv ijən 2 qılə kişvəri miyono bə Avsiya iyən ğətariyə xəti sahədə həmkarion həm təkidış kardə.

Çı Gazprom şirkəti yoli caneşin Vitali Markov həm bə 26 qılə kişvərədə ım kəmpaniya fəaliyəti işarəş kardə ijən votışe: Gazprom İronədə vey hevujə səthədə ijən nat və qaz sahədə muxtəlifə planon icra karde fikədəy.

Çımiku bə nav çı Russiyə enerji vəzir votəş be: Russiyə ğərare detosə 2018 minə sori çı İroni təbie qazi de tojə lolə xəton proyekti bə Hindıstan bevığando.