Bokuədə İronıjə jenon moasirə nəğğoşon nımoyişqo.

Zinə çı Boku şəhri hınə salonədə İronıjə jenon moasirə nəğğoşon hınə əsəron nımoyişqo oj be.

Bə İrna raporti əsos ım nımoyişqoədə çı İronıjə 3 qılə nəğğoşonku əsəron de İroni səfarətxanə mədəniyə mərkəz və Azərbaycan Respublika nəğğoşon i bemoni həmkari bino bıə.

Azərbaycan Respublikadə İroni səfir həminə nımoyişqo dəvoniye 2 qılə kişvəri miyono mədəni və hınə sahədə həmkarion cəhəto muhimmə bərnomə zınəş be və bə Azərbaycan Respublika rəsmi şəxson təşəkkurış kardə.

Cəhanqirzodə ijən de Azərbaycan Respublika hamsuyə kişvəri muxtəlifə sahəonədə əloğəon inkişofi xoto bə İroni ciddiyə cəhd işorəş kardə və votışe: ticarəti miğdori ziyod karde ijən turizm sahədə həmkarion inkişof 2 qılə kişvəri miyono rabitəon hevujətiku nışonəy.

Çı Azərbaycan Respublika mədəniyət vəziri moavin Ədolət Vəliyev həm ım nımoyişqo kənoədə bə i minə kərə çı İroni jenə hınə sohion huzur işorəş kardə və votışe: İron və Azərbaycan Respublika miyono həmkarion məxsusən mədəniyət sahədə tojədən vey bə inkişof rəse.