İron və Ermənistoni miyono ticari 2 tərəfiyə fəaliyəton vədə maneon peqəte bəbe.

Ermənistonədə İroni səfir və Ermənistoni dıvləti faydon kamissiya rəis 2 tərəfiyə həmkarion iyən bo ticari və iğtisodi əloğəon inkişof doero İronıjə taciron aliyə şura təşkil doe barədə suhbət kardən.

Bə İrna raporti əsos Ermənistonədə İroni səfir Seyed Kazım Səccadi de Ermənistoni dıvlətiyə faydon kamissiya sadr Vartan Harotoniyan vindemon və ım vindemonədə komrok maneon peqəte, bo kamazon şe-oməro komək karde və taciron iyən iğtisodi fəalə odəmon problemon həl karde barde suhbətış kardə.

Ermənistoni dıvləti faydon kamissiya rəis həm Ermənistonədə İronıjə taciron aliyə şura dəvoniyə idiyaku tərəfdartiş kardə ijən ım təşkilat, ticariyə mərkəzon və Ermənistoni komroki miyono həmkarion çımiku vey inkişofi tələbış kardə.

Hartoniyan ijən elanış kardə ki əmə de İroni taciron və İronıjə iğtisodiyə şirkəton mıştərəkə icloson dəvoniyero hozzomon.

Im mıloğatədə çandə İroni taciron və iğtisodiyə fəalon həm huzurışon be və həm ıştə fəaliyəton problemon barədə de Ermənistoni dıvlətiyə faydon kamissiya yol suhbət kardən.