Xəzər dıyo huğuği statusi barədə İroni vindemon əvəz bə ni.
İroni xarıci vəzarətxanə sıxənəvot votışe: Xəzə diyo huğuği status hələ bo hamsuyə kişvəron həx-huğuği mıəyyən karde xoto bə oxonə nəticə rəsə ni ijən Moskvaədə bıə xarıci vəziron tojə iclosədə təsdiğ bə ni.
Bəhram Ğasımi çı Moskvaədə bıə tojə iclosi cərəyonədə Xəzə diyoku saheliyə hamsuyə kişvəron səhmi mıəyyən karde barde xəbəon rədd və təkidış kardə: Kaspi diyoku bo har qılə kişvəron səhmi mıəyyən karde xoto muzakirəon prosses çandə mığovilə və ğanunonış heste ki çəy barde detalon hələ elan bə ni ijən İroni vindemon çı Kaspi diyo huğuği statusi barde hiç əvəz bə ni.
Ğasımi təsdiğış kardə: jıqo ğərore ki çandə həmohənqion və icloson bəpeştə təklif bıə sənədon bə 5 qılə saheliyə kişvəron prezidenton iclosədə muzakirəonro edaşte və imzo bıbu.
Moskvaədə Dekabri 5 çı Xəzə diyo 5 qılə saheliyə kişvəron xarıci vəziron iclos de İron, Russiyə, Azərbaycan Respublika, Turkəmenestan və Ğəzaxıstani xarıci vəziron huzuri bərpo be.
İroni xarıci vəzir Muhəmməd Cəvad Zərif ım iclosədə təklifış kardə ki Kaspi diyo saheliyə kişvəron miyono mıştərəkə sərmoyə noe fand, tarifon həmohənq karde iğtisodi və ticariyə ozodə məntəğə həmkarion, nəğliyat məştərəkə şirkəton təəsis karde, turizm sahədə hevujə əloğəon iyən viza ləğv karde muğəddəmə hərəkəton barde ğanunon və zəminəon hozzo bıbun.
