Dınyo reytinqədə İron İslam Respublika elmi istihsoli sahədə vey bəpeə inkişofi xıvande.

İslam dınyo elmon İstinad əkə mərkəzi sərpərəst votışe: dəvardə 20 sori mıddətədə İron İslam Respublika miyonə vəziyətədə har sor bə 21 faiz nezi inkişofi dınyo reytinqədə elmi istihsol sahədə vey bəpeə vırəş kəsb kardə.

Muhəmməd Cəvad Dehğani təkidış kardə: çı Neyçir İrdeks Muəsisə tojə raport nışo dodə ki İron dəvardə 10 sori mıddətdə muhəndesi sahədə vey bəpeə inkişofi xıvand be iyən dınyoədə i minə rotbə kəsbış kardə.

İslam dınyo elmon İstina əkə mərkəzi sərpərəst əlovəş kardə: 2017-nə sorədə dınyo elmon istihsol əkə inkişofi reytinqədə 7 qılə islamiyə kişvəron vey çokə rotbə xıvand bıən ki İron və Tırkiyə de tərtibi 16 iyən 18-nə vırə kəsb kardən.

Muhəmməd Cəvad Dehğani ijən votışe: dınyoədə elmi istihsol karde sahədə İroni səhm ısət bə 2 faiz nezi rəse ki 25 bərobər ziyod bey vasitə dəvardə 20 sori mıddətdə İroni vəziyəti 38 rotbə çok iyən bəpe moni bois bıə.