İslomi Cihod:İnğılobi Şəhidə Lider bo Fələstini dastəqi əsliyə sutun be

Pars Tudey-Fələstini İslomi Cihod,çe İslomi İnğılobi şəhidə lider Ayətullah Seyd Əli Xameneyi bə Fələstini xalği dastəqi əsosə sutun və bə heqemonə ssenariyon ələyh çı milləti suverenəti ğətiyə mudofiyəçi beyış bəyon kardə.

Pars Tudey bə İroni Tele-Rədyo Korporasiya istinodən doə məlumoti əsos,Fələstin İslomi Cihod Hərəkot de Ayətullah Seyd Əli Xameneyi cənozə təşyi mərosimi anqıl bəyonotədə çe İnğilobi lideri şəhidəti de mıştərəkə dışmeni mıborizə və tale ibemoni əks kardeyış bəyon kardə.Fələstini İslomi Cihodi təkidış kardə:Ayətullah Seyd Əli Xameneyi bo Fələstini dastəqi əsliyə sutun be. Çın bəyonoti dəvomədə omə:Şəhidə lider bə sultəqər iyən heqemonə ssenariyon ələyh çı milləti suverenəti ğəti mıdofiyəçi,mudrik və hartərəfinə qıləy lider be.İslomi Cihod Hərəkoti əlovəş kardə ki, çandə da soron dırozi bə Fələstini mığoviməti ğıvvon nışon doə bıə qırd hərbi,lojistik və siyosi dastək bə şəhidə lider Seyd Əli Xameneyi bəisə ğərori əsos be.Hərəkat bə Fələstini məsələ dəvominə dastəqi əsosə sutun və İslomi və Ərəbə xalğon səfon i kardey yeqanə ro bey təkidış kardə. İslomi Cihodi əlovəş kardə:Amerkə qlobal dominantəti zirvədə İroni çəy heybət və əzəmətış darışte və bo İroni suverenəti və milləti ideyalon mıdofiyə kardero bəsə poysə əhışte.