De Həzrət İmom Mosa Kazım(ə) şəhodəti sorəqardışi mınosibəti səbəsəloməti.

Imruj 5 şanbə hicri ğəməri 1439 nə sori rəcəbə manqi 25 bərobər de milady sori 2018 minnə sori apreli 12 minnə ruj dınyo şiəyon 7 imom Həzrət İmom Mosa Kazım(ə) şəhodəti sorəqardışe.

İmom Mosa Kazım(ə) ıştə əzizə dədə Həzrət İmom Cəfər Sadığ(ə) elmi yolə məktəbədə ki ve yolə alimony əyo huzurışon hest bı iştirak əkəy və ıştə əzizə dədə fəzilətonku bəhrə bardeədə əxlaği əlaə xosiyətonku mincumlə pərhizkarəti istiğamət nıtarsəti iyən ədoləti tələb kardeədə yolə olqo be.

İmom Mosa Kazım(ə) təğribən 35 sor mıslmonon imomətış bə uhdə hest bı və xəyli çı soronku həbs və təbidə be.

ım şərayet nışon dodə ki həzrəti devranədə Əbasi hakimon təziğon bə Əhle Beyt(ə) zid rost bə be.

 əviki İmom Mosa Kazım(ə) bə muvcod bə şərayeti zid bə hərəkət vardə be bə mıslmonon hakim nə fəsotinə siyasi və ictimaiyətiyə nizom be jıqo qıləy vəziyyətdə İmom bə cəmaəti siyasi və ictimaiyətiyə aqahətion əlavə kardə be və bəniəbbası hakimon rəftori islamiyə erjonku bə kəno zındə be.

ə devranədə Əbasi xəlifə Harunurrəşid ki pidəş nıbı cəmaət Həzrət Mosa Kazış(ə) be intıvoə elm və fəzilətiku bəhrə bıbən qıləy fitnəqərə hərəkətəndə həzrətışon zindonədə zəhrin karde və ə həzrət hicri ğəməri 183 nə sori 55 sorətiədə bə şəhodət rəsə.

İslamiyə ironi dindarə millət İmom Mosa Kazım(ə) şəhodəti sorəqardışədə mığəddəsə vıron məxsusən dınyo şiəyon 7 nə imomi fərzənd İmom Rıza(ə) pokə hərəmədə əzadarəti kardən.

İron İslam Respublika telerədyo İmom Mosa Kazış(ə) şəhodəti sorəqardışi bə həmmə mıslmonon məxsusən tolışə həmzıvonon səbəsəloməti dodə.