Aya çe Trampi siyosət dınyo bə nuvə silohon səmt sevğ doydə?
İroni Ali Milli Əmniyyət Şura katib Muhsin Rızayi, xəbərdoətiş kardə ki, çe AİŞ prezdenti beməxəti dınyo bo atom bombə bə dast vardey tələbış ziyod kardə.
Bəçəy sıxanon əsos,Vaşinqton bo qlobal əmniyyəti zumand kardey əvəzi,ısət qırd dınyoədə çe noəmnəti ləpəş icod kardə.
İron bə Nuvə Silohon Pevolonıbey Həxədə Mığovilə(NSPM) muddəon və çı nuvə enerjiku de dincə məğsədon istifodə rioyət kardeyədə çı diqər kişfəronku bənav şeyə yeqanə kişfəre.
In kişfər bə beynəlxalğə mıfəttişon və bə mışohidə kameraon mısbətə cəvobış doe və hətto çı AHMFP (JCPOA) mığoviləş imzo karde.
Şura katibi votedə:Əmmo ımruj dınyo çın sıvoliku bəhs kardedə ki,bə ın ehdəmon rəğmən,boçi bə İroni hucum kardey be?
Bəçəy fiki əsos,çe Amerkə bə İroni zidd rəftoron bo coqlə kişfəron çe təzyiğ iyən hucumiku əmonədə mandero bo atom bombə bə dast vardeyro qıləy stimulış ofəyə.
