İslami inğilabi yolə rəhbər:amerkəvıjon lınqi məntəğəku ğət bəkamon.

İslami inğilabi yolə rəhbəri votışe:ə kəs ki bəpe Asiya ğərb məntəğəku xaric bıbo amerkəy ne islamiyə respublika jəqo ki can sor çimi bə nav votıme"bıjən bıtılı" devran orəxəy.

Həzrət ayətullah Xamenei zinə sıb bə "ko və koəkan" ruji və beşe mınosibəti çandə həzo koəkə və  sahibko vindımonədə əlavəş karde Fars deyo və asiya ğərb çəmə kəy əmmo şımə ğəribə  və xəbisə hədəfon iyən fitnə icod karde domoədə hestin .

islami inğilabi yolə rəhbəri Asiya ğərb məntəğədə Amerkə huzuri nəticədə bə  no əmni və canq işarəş karde və votışe:boçimi xoto amerkəvıjon lınq bəpe çı məntəğəku ğət bıbo və bəpe Asiya ğərb hissəku xaric bıbon.

yolə rəhbəri de ironi islamiyə respublika ozodəti tələb əkə iyən mıstəğilə nizom mubarizə bardeyu Amerkə metodonku qıleniş məntəğədə bəzi kam famə devləton dərosne və məntəğə daxilədə ixtilof və dave icod kardeş zınə. və votışe: amerkəvıjon fəaliyət kardən ta səudion və məntəğədə bəzi məmləkəton  dərosneədə əvoni islamiyə respublika vədə ğəror bıdən əmmo əqər əvon əğlışon bıbo bəpe Amerkə fəribi nəhən.

Həzrət Ayətullah Xamenei işarəş karde ki amerkəvıjon pidəşone de islamiyə respublika nizom və ironi zumandə milləti vədə mande xərc çəvon cifo nışo və əy bə məntəğə bəzi devləton qi bınən və ıştə sıxanon dəvomədə əlavəş karde məntəğə bəzi məmləkəton bıznon əqər de İron İslam Respublika dim bə dim bıbon de  ğətiyəti zərbə bəinden və məğlub bəben.

islami inğilabi yolə rəhbəri eyne holədə de islamiyə respublika nizom mubarizə bardeyu ısətnə əsosə planış ixtisadiyə canqış zınə və ironi istihsal bə məhsolonku himoyə karde və əcnəbionku bə kəno bə daxiliyə şərayeton və imkanon çəş  dote de ım canq mubarizə bardeyu bənə yeqanə ro işarəş karde.