Nəcəfi:Atom enerjiku sulhin istifadə karde həmmə məmləkəton həxe.

Beynəlxalğ atom enerji təşkilatdə ironi daimə nımayəndə votışe:ə məmləkəton ki ıştən atom bombaşon extiyorədə hestışone həxışon ni atom silahon vəy qəte vavonədə atom texnoloqiya sahədə bə məmləkəton sulhinə fəaliyəton mane bıbon .

Bə İRNA xəbon əsosi beynəlxalğ atom enerji təşkilatdə ironi daimə nımayəndə Rıza Nəcəfi zinə cenevrədə atom silahon inkişafi vəy qəteyu bıə ğərardadi bə ğaidə eğandeyu 2 minnə komitə iclosi dəvomədə votışe:atom enerji inkişaf doe həx sulhinə hədəfonru və  ehtiyoc bə imkanon və cihazon maddon iyən atom elmi bə iyandı rosneyu kamilə holətədə həmkarəti  karde  ki sulhinə istifadəon xotoy  atom silahon inkişafi vəy qəteyu bıə mərkəz ya həmon NPT hədəfonku qıleniy.

Nəcəfi çı muvzoku ki bəzi uzv bə məmləkəton fəaliyət kardən bə siyasiyə məğsədon əsosi bə co tərəfon zid ıştənbəsə məhdodiyəton təşkil bıkən  de şiddəti niqəran mande.