Tehroni cumə nımoji xətib: deşmənon ğoymə silli bəharden.

Tehroni mıvəğğətə cumə İmom təkidış kardə: bə İroni zidd Amerkə təhdidon iyən ım sahədə məntəğə kali rejimon mışoiyət karde İronədə bestabiləti iyən milləti zəifəti bois nibəbe boçi ki əqə əvon canqədə varid bbun, dəbəboxten iyən məhv bəben.

Ayətullah Muhəmməd Əli Muvəhhedi Kermani Tehroni ım haftə cumə nımoji xotbəonədə de işorə bə ım ki ısət Amerkə bə İroni zidd siyasəton icra kardeyro Avropa, Ərəbiston və israil rejimi mışoiyəti fikədəy əlovəş kardə: İslamiyə İron zumande və istikbor dınyo vədə muğavimət bəkay.

Tehroni mıvəğğətə cumə nımoji, bə Amerkə və istikbariyə dınyo xətob elanış kardə: İron qoiym mandəy və zumande ijən çəvon xiyoliyə vanq-dımjonon İroni kişvər iyən millətədə təəsirış ni.

Əv həmçınin təkidış kardə: kofri vədə islam de zumandəti mandey və İron iftixorış heste ki islami boydəği bəştə duş noəşe.

Muvəhhedi Kermani təkidış kardə: Amerkə və çəy həmpəymonon bəbe bızonon ki hər çəxtə ki həxi cəhbə vədə bemandon və təhdid bıkun ğoymə silli bəharden.