Ruhani:atom sazışi oqəteyu desbə ısət peqətə bə ğədəmon mısbət bə.

İron İslam Respublika president zinə şanqo işarəş karde atom sazışiku Amerkə xaric beədə beynəlxalğə səviyədə bıə ictimaiyəton əksəriyət həxışon bə İron do və atom sazışiku mıdofiəşon karde president Ruhani ıştə qəpon dəvomədə əlavəş karde atom sazışi mandeyu desbə ısət peqətə bə ğədəmon mısbət bən.

Bə İRNA xəbon əsosi Həsən Ruhani tehroni alimony və ruhaniyon qıləy cəmi səmimiyə vindımonədə votışe:ımruj xəyli məmləkəton bovəşon heste ironi qətə ro səhih bə və ım amerkəy ki bə səhvi roş doə və ım qıləy yolə muvəfəğiyəte.

İron İslam Respublika president əlavəş karde amerkəvıjon bə avropavıjon təziğ nışon dodən ki  ya Amerkə bıvıjnon ya ironi.əmmo avropavıjon votedən ki əmə atom sazışi vıjnedəmon.

president Ruhani işarəş karde ironi fəaliyət bə ım əsli piyədəy ki əqər zınəşe atom sazışədə mandeədə ıştə həxi  hifz bıkə ım beynəlxalğə sazışədə bəmande.

Amerkə president Donald Tramp 3 şanbə mayə manqi 8 nə ruji bə ironi zid be əsosə bıhtonon təkrar kardeədə atom sazışiku vaşinqtonı xaric be və omə 3 desbə 6 manqi mıdətdə atom sanqsiyaon oqardeş elan karde.

trampı ım hərəkət daxili və beynəlxalğə səviyədə de ciddiyə məhkumiyət dim bə dim be.

İ bə milləton təşkilati rəis Antoniyo Qotereş Amerkə prezidenti 1 tərəfə ğəroliku ve nığıl ıştə təəssufış elan karde.