Qeneral Bağıri: islamiyə inğilabi erj-hədəfon dınyoədə oşko bıə.

İroni silohinə ğıvvon mərkəziyə ğərorqo rəis təkidış kardə: islamiyə inğilabi erjinə simvolon dınyoədə hətto Avropa və Amerkədə oşko bıə ijən bəşəriyəti bəştə tərəf cəlbış kardə.

Qeneral mayor Muhəmməd Bağıri ımruj qıləy peyğomədə Ğuds beynəl xalğiyə ruji, İmom Xomeyni(r) bəfoti 29-nə sorqardış iyən Xordadə manqi 15-nə ruji ğiyami 55-nə sorqardışi Astanədə əlovəş kardə: İroni islamiyə inğilab de 2 ğotbiyə nizomi inhisor və monopoliya arşiyə bənə qıləy tojə ğudrət dınyoədə ıştəni elanış kardə.

Qeneral mayor Bağıri təkidış kardə: İroni silohinə ğıvvon de İroni Yolə Rəhbəri əmr iyən dəstor ıştə həmmə zərfiyətiku bə har curnə təhdid və deşmənon ehtımaliyə təcavozon istifodə kardedə ijən deşmənonku ğafil ni bə mande.

İroni silohinə ğıvvon mərkəziyə ğərorqo rəis bə Telaviviku çı Amerkə səfarətxanə bə Ğuds ovıştoniyə iyən Fələstinıjon ğətliami işorəş kardə və votışe: Bə Ğuds muğəddəsə hədəfon iyən Fələstini intifozə himoyə dorti kardero Ğuds beynəl xalğiyə aksiya karde bəzne Amerkə və sionist rejimi tojə fitnəon məğlub bekə iyən Fələstin milləti səbarzəti sorəti ziyod karde İsrail rejimi məhv bey bois bıbu.

Bə İroni təğvimi əsos İ yoni 4 və 5 de tərbiyəti de İroni nizomi bino əkə Həzrəte İmom Xomeyni(r) bəfoti sorqardış iyən Xordadə manqi 15-nə ruji ğiyomi sorqardış bərobəre.

Co tərəf de İmom Xomeyni(r) tədbiri bərobər mobarək rujə manqi oxonə cımə ruj həm Ğuds beynəl xalğiyə ruj ğeyd bıə ta dınyo ozodtələbon və mısılmonon ıştə nifrət və ğəzəbin bey çı sionist rejimi mahiyət və cinoyəton elan bekən.