Atom sazış və məntəğə vəziyəti həxədə Ruhani və Məkronı telefoniyə votımon.

İron İslam Respublika president və Fransə president qıləy telefoniyə əlağədə 2 tərəfə iyən məntəğə və atom sazışi həxədə bıə məsəlon iyən bərnamon barədə votımonışon dəvoni.

İron İslam Respublika president Həsən Ruhani zinə əsrə vaxti de Fransə president Emanoel Məkron telefoniyə əlağəş qəte və Avropa mincumlə Fransə siyasətonku atom sazışi hifz kardeyu ıştə roziyətiş nışon do və və votışe:ım sıxanon və bəyonoton bəpe de əməliyə hərəkəton və roon iyən ironi atom sazışədə mandeədə və əçəy faydonku bəhrə bardeədə həmro bıbo.

İron İslam Respublika president əməliyə roon vıjneyu bə zəmani kam be işarəş karde və votışe:bəpe icazə doə nıbo ım diplamatikə yolə nəticə 1 tərəfə iyən əhd peymon darıştə hərəkətonədə nabod bıbo və votışe: əqər İron nızno ım təvafuği emtiyazonku istifadə karde əmələn bəvədə mande mumkin nibəbe.

president Ruhani omidvar mande ki 5 qılə məmləkəti fəaliyəton de Avropa itifağ və İron muvəfəğiyətin bıbo və bə nəticə bırəso.

Ruhani eyne holədə suriyə məsələ barədə işarəş karde suriyədə ironi məsləhət doə ğıvvon huzur bəzi məmləkəton ğeyre ğanoniyə hərbiyə huzuriku kəno ə məmləkəti devləti rəsmiyə tələbəndə  təşkil bə və de terarizm mubarizə bardeyuy və omidvarətiş karde ki Suriyə devlət və milləti tərəfdarə ğıvvon mıştərəkə fəaliyətonədə təciliyə holətədə terarizmi rişə ım məmləkətdə ğət bıbo və həni bə xariciyə ğıvvon huzuri ehtiyoci nıbo.

Emanoel Məkron həm ım telefoniyə əlağədə tojədən işarəş karde ki Paris bə atom sazışi bovəş heste və ım sazışi hifz kardeyu həmmə curə fəaliyət bəkay və atom  sazışədə mande faydonku ironi bəhrə bardeyu İ silsilə  fəaliyəton iyən əməliyə roonku xəbəş do.