De miyonə hisobi dəvardə 4 manqədə ironi nati ixracat ve bə.

İron 2018 minnə sori martə manqi 21 minnə rujiku desbə iyoli 22 nə ruji de miyonə hisobi ha ruj təğribən 2 milyono 300 həzo barel xamə nat bə asiyaei və avropaiyə məmləkəton ixracatış kardə ki ım miğdar ixracat 2017 minnə sorədə de miyonə hisobi əsosi inkişafış bə.

Bə telerədyo aqentəti xəbon əsosi 2017 minnə sorədə ironi xamə nati ixracat de miyonə hisobi 2 milyon 115 həzo barel ha rujədə bə.

Çin və Hindostan ironi xamə nati yolə mıştərionədəy.

hindostanı nat və qaz vəzorətxonə bə hozzı kardə məlumaton əsosi ım məmləkəti ironiku idxal kardə nat 2018 minnə sori iyonə manqədə ,2017 minnə sori həminə devrə nisbətədə təğribən 50 faiz inkişafış bə.

2017 minnə sori ironi natə ixracatiku 62 faiz bə asiyaiyə məmləkəton və 38 faiz həm bə avropa bə.

Tırkiyə və İtaliya avropaədə ironi yolə natə mıştərionkun.