Məntəğədə Amerkə fəğət bo ıştə beabruçiəti bə dastış vardə.

İron sepah təşkilati ğuds məxsuxə ğıvvon fərmondə muavin votışe: məntəğədə Amerkə de İrağ və Əfğanıstonədə 2 qılə canq və hərbiyə huzuri fəğət bo ıştə beabruçiəti iyən zəliləti bə dast vardəşe.

Bə İrna raporti əsos qeneral Ismail Ğaani əlovəş karde: İroni millət dəvardə 40 sor mıddətədə çı Amerkə, sionist rejim və çəvon mıttəhidon həmmə tərəfinə deşməntion xususi çəvon hərbi, əmniyyəti iyən iğtisodiyə fişaronku de fəxr iyən izzəti səbarz bıən.

İron sepah təşkilati ğuds məxsuxə ğıvvon fərmondə muvin təsdiğış karde: 2001-nə sori Sentiyabri 11ku Amerkə de İra və Əfğanıstonədə 2 qılə canqi vositə çand milyard dollarış xərc karde iyən çand həzo ğıvvonış vığande əmmo əmələn məğlub be sayədə fəğət bo ıştə be abroçiti bə dastış varde.

Qeneral Ğaani bə məntəğə ısətnə vəzyət işorəş karde və votışe: Amerkə siyasəton dəvomədə sionist rejim de Ale Səud rejimi bə i co Vəhabiyə Təkfirion bə Suriyə və İrağ vığandışone ta məntəğədə co bıhroni icod bıkən.

İron sepah təşkilati ğuds məxsuxə ğıvvon fərmondə muvin təkidış karde: Amerkə hədəf, islam dini məhv karde heste əmmo məntəğə milləton ıştə diniku muhafizə karde səpe mandedən və de fəxri muğavimət roədə hərəkət bəkan.