Ruhani:deşmen ironi məğlub karde orzu bə qur bəbay.

İron İslam Respublika prezidenti votışe:deşmen pidəşe bə İron təziğ nışon bıdə və milləti jimoni de problem dim bə dim bıkə və işarəş karde deşmen nibəzne ironi məğlub karde və ım orzu bə qur bəbay.

Prezident Ruhani zinə  devlət heyəti iclosədə işarəş karde ironi millət və məsul şəxson de iyandı həmkarəti karde icazə nibədon deşmen bəştə hədəf bırəso və votışe:deşmen nibəzne ironi əzəmətin və yolə milləti de səhv,ğeyre ğanoni və be rəhmə təziğon məğlub karde.

president Ruhani işarəş karde İron,dınyo həmmə tərəfonədə həmkarəti və muzakirə karde holədəy və bə amerkəvıjon doə məsləhəti əsosi de Tehron muzakirə kardeyu işarəş karde və ıştə sıxanon dəvomədə əlavəş karde Amerkə təşkil doə hərəkətonədə muzakirə şərayetış arəku bardə.

İron İslam Respublika president eyne holədə məntəğə və məxsusən İrağ,Suriyə ,Livan və hətta Afrika şimal hissədə dəvardə soron vədə veyə əmniyəti muşahidə karde xoto  şo mande və omidvarətiş karde Yəmən həm bı nezonədə bə əmniyət və oroməti  bərğəror be şohid bıbo və təcavuzkaron ım dərsışon omotə bo ki canq və təcavuz səhihə ro ni bəlkə səhihə ro sulh,muzakirə və sazışe.

prezdent Ruhani ğəzağıstanədə bə Kaspi deyo 5 qılə sahiliyə məmləkəton iclos,Kaspi deyo huğuğiyə statosi həxədə işarəş karde və votışe:çı konvensiya muhimmə nəticonku qıleni Kaspi deyo əmniyət və oroməti bə ki bois bə ım deyoədə bə amerkəvıjon  fitnəqərə hərəkəton  və hətta Nato huzuri mane bıbo.