Ruhani:Amerkə ironədə noəmni icod karde domoədəy.

İron İslam Respublika prezdent ironi cənub ğərb Əhvaz şəhrədə terroristiyə hucumiku ıştə təəssufış elan karde və votışe:Amerkə pidəşe ironədə noəmni icod bıkə əmmo muvəfəğ nibəbe.

İron İslam Respublika prezdent Həsən Ruhani ımruj dıb tehroni bə niyuyurk məğsəd tərk kardeku bə nav ki İ bə milləton umumiyə asambleyaədə iştirak karde xotoy jurnaliston cəmədə elanış karde İron İslam Respublikayu əhvazı terroristiyə hucumon təşkiləkon oşkoye və əlavəş karde İron çı cinayətikudənibəvay və bə terroriston zumandə cəvob bədoy.

prezdent Ruhani işarəş karde əhvazədə terroristiyə hucum ironi milləti iradəndə heç qılə təsir nibənoy və əlavəş karde insonə həxon iddakardəkəson bəpe ım cinayəti vədə cəvob bıdən.

İron İslam Respublika prezdent bə Niyuyurki səfə işarəş karde və votışe:İ bə milləton təşkilati umumiyə asambleyaədə huzur ironiyu fırsəte ta məntəğə və beynəlxalğə məsəlonədə ıştə nəzəfi bəyon bıkə.

Prezdent Ruhani eyne holədə votışe:ımrujnə dınyo şərayet,çok ni və əlavəş karde Amerkə İ bə milləton təşkilatiku suistifadə kardə və ım qıləy holədəy ki ım məmləkəti extiyoron bəpe İ bə milləton təşkilatdə bənə həmmə məmləkəton bıbo.

İron İslam Respublika prezdent atom sazışiku Amerkə xaric be və bə ironi zid zılminə sanqsiyaon  təşkil karde həxədə həm işarəş karde:Amerkəpidəşe ironi milləti,istiğlali roədə qətə ğəroliku bə domo bınşando əmmo nibəzne və de ğətiyəti ıştə notəmizə hədəfon bə nəticə ərəs ni.